Երեխաների բուժումը հակաբիոտիկներով. 6 հիմական սխալներ

1. Ինքնաբուժում 

Հաճախ ծնողները դիմում են ինքնուրույն և անպատասխանատու ինքնաբուժման, ինչպես իրենց, այնպես էլ իրենց երեխաների դեպքում: Նպաստող գործոններն են՝ պետական քաղաքականություն, որը ստեղծում է պայմաններ և թույլ է տալիս հակաբակտերիալ դեղամիջոցների ազատ շրջանառություն:

2. Հակաբիոտիկների պրոֆիլակտիկ օգտագործումը՝ վիրուսային ինֆեկցիաների ժամանակ 

 Հիմնական խնդիրն այն է, որ այս երևույթը չի սահմանափակվում ինքնաբուժմամբ: Շատ բժիշկներ են հավատում հակաբիոտիկոթերապիայի պրոֆիլակտիկ արդյունավետությանը, և այս արատավոր պրակտիկան լայնորեն տարածված է հենց առողջապահության համակարգի մարմինների կողմից:

3. Սիստեմային օգտագործման  դեղամիջոցների ոչ ռացիոնալ տեղային օգտագործումը 

 Հակաբիոտիկները, որոնք օգտագործվում են սիստեմային կերպով (ընդունվում են ներս), չպետք է օգտագործվեն տեղային (քթի կաթիլներ, քսուքներ և այլն):
Կա միայն երկու բացառություն՝ թարախային օտիտներ (ականջի բորբոքում) և թարախային կոնյուկտիվիտներ (աչքի բորբոքում):

4. Հակաբիոտիկների ընդունման վաղաժամկետ դադարեցումը 

 Պատճառաբանությունը մոտավորապես այսպիսին է. Իրավիճակն արդեն ավելի լավ է, ջերմությունն իջել է, էլ ինչու՞ դիմել քիմիական միջոցներին:

Ցանկացած կոնկրետ պարագայում բուժման շարունակական բնույթը կախված է բազմաթիվ գործոններից, ինչպես օրինակ՝ մանրեասպան դեղամիջոցի օգտագործման մեխանիզմից, որի օգտագործումն առաջացնում է կուտակումներ որոշակի օրգաններում և հյուսվածքներում: Ցանկացած ինֆեկցիայի համար սահմանված են բուժման օպտիմալ ժամկետներ, որոնք ռացիդիվի (կրկնվելու) հավանականությունը հասցնում են մինիմալի:
 

5. Միևնույն հակաբիոտիկի բազմակի օգտագործումը՝ համանման ախտորշման կամ ռեցիդիվի դեպքում

 Ցանկացած դեղամիջոցի բազմակի օգտագործում մեծացնում է ալերգիկ ռեակցիաների ռիսկը: Սա հատկապես կարևոր է հաշվի առնել երեխաներին հակաբիոտիկ միջոցներով բուժելու դեպքում: 
Եթե նույն հիվանդությունը կարճ ժամանակ անց նորից կրկնվում է, ապա լիովին տրամաբանական է ենթադրել, որ հիվանության  կրկնումը պայմանավորված է արդեն այն միկրոբներով, որոնք չէին վերացել առաջին բուժումից հետո, հետևաբար, նույն դեղորայքի կրկնակի օգտագործումը չի ունենա արդյունավետություն:

6. Դոզավորման և բուժման կանոնների չկիրառումը 

 Հակաբիոտիկի օգտագործման ունիվերսալ կանոն գոյություն չունի: Դեղորայքի ընդունման հաճախականությունը տատանվում է օրվա մեջ 1-4 անգամների մեջ: Տատանվել կարող են սննդի օգտագործման պարագայից կախված, որոշ դեղամիջոցներ հակացուցված են ընդունել կաթի հետ և նմանատիպ այլ բազմազան նրբություններ: Հրահանգներին ու բժշկի ցուցումներին հետևելը շատ կարևոր պայման է արդյունավետ բուժման համար: