Ինտելեկտուալ խաղ երեխաների համար Բառախաղ

Կոդ 1678691

Առկա է

5500 դրամ

Բառախաղը արտասահմանում մեծ տարածում գտած ինտելկտուալ խաղի հայ ինտելեկտուալ հասարակության համար առաջարկվող մեր տարբերակն է:

Տուփում կան 500 խաղաքարտ, կանոնների թերթիկ և մեկ ավազի ժամացույց:

Մասնակիցները պետք է 1 րոպեի ընթացքում հնարավորինս շատ բառեր բացատրեն՝ չօգտագործելով գուշակվելիք բառի անմիջապես ներքևում գրված՝ արգելված բառերը:

Խաղը հրաշալի միջոց է ժամանցն ու գիտելիքի ձեռքբերումը համատեղելու, միտքը մարզելու, այլընտրանքներ գտնելու, առողջ մրցակցելու և արգելքներ հաղթահարելու համար: Սա խաղ-մարտահրավեր է, որը կարող են ընդունել և որին կարող են մասնակցել բոլորը՝ թե գերազանցիկները, թե ցանկացած ուրիշ գնահատականներ ստացողները. չէ՞ որ ինտելեկտը գնահատական չի հարցնում: Ինչու ոչ, խաղին կարող են մասնակցել նաև նրանք, ովքեր վաղուց գնահատականներ չեն ստանում, ավելին, նաև նրանք, ովքեր իրենք են գնահատում: Խաղացե՛ք դպրոցում, համալսարանում, աշխատավայրում, ծանոթների և անծանոթների հետ, և թո՛ղ ժամանակը լցվի բառախաղով:

Ուշադրություն

Խաղը խստիվ հակացուցված է մտածել չսիրող մարդկանց համար:
Կարող ես խաղալ, եթե լրացել է քո 10 տարին և եթե դեռ 110 տարեկան չես:

Բառախաղը երաշխավորել է ՀՀ ԿԳՆ լեզվի պետական տեսչությունը:

Միասին ծանոթանանք խաղի կանոններին.

Խաղը բաղկացած է 500 խաղաքարտից, 1 րոպե տևողությամբ ավազի ժամացույցից և ներառում է գումարային 6000 բառ 1000-ը բացատրելու համար, իսկ 5000-ը բացառելու:

Մասնակիցներ

Խաղը կարող է սկսվել, եթե կա առնվազն չորս մասնակից: Խաղը թիմային է, մրցում ենք միմյանց հետ՝ միմյանց դեմ: Կարող ենք խաղալ ինչպես 2-ական, այնպես էլ մրցակցությունը սրելու համար երեք և ավելի թիմերով՝ յուրաքանչյուր թիմում ներառելով առնվազն երկու մասնակից:

Խաղի սկիզբը

Թիմերով նստում ենք միմյանց դիմաց՝ մեր առջև դնելով խաղաքարտերը: Խաղաքարտերը դնում ենք այնպես, որ տեսաննլի չլինեն գրված բառերը: Թիմի մասնակիցներից մեկը վերցնում է որևէ խաղաքարտ, շրջում ավազե ժամացույցը և մեկ րոպեի ընթացքում թիմակիցներին սկսում բացատրել խաղաքարտի վրա գրված գլխավոր բառը:

ՈՒՇԱԴՐՈՒԹՅՈՒՆ

Հենց այստեղ էլ սկսվում է ամենահետաքրքիրը: Բառը բացատրելուց առաջ մասնակիցը պետք է մտքում ընթերցի անմիջապես նրա տակ գրված հինգ արգելված բառերը: Այս բառերը նա չպետք է գործածի գուշակվելիք բառի բացատրության ընթացքում, ինչպես նաև չի թույլատրվում օգտագործել ո՛չ գուշակվելիք, ո՛չ արգելված բառերի բառարմատները կամ օտարալեզու տարբերակները: Եթե հաջողվում է մեկ րոպեի ընթացքում կռահել երկու բառն էլ, խաղացողը անմիջապես վերցնում է հաջորդ խաղաքարտը և այդպես շարունակում մինչև ժամանակի ավարտը: Յուրաքանչյուր կռահված բառ թիմին բերում է մեկ միավոր: Սակայն, եթե խաղի ընթացքում մասնակիցը գործածել է արգելված բառերից որևէ մեկը, բառարմատ կամ օտարալեզու տարբերակ, ապա միավոր ոչ միայն չի տրվում, այլև խաղացողը հնարավորություն չի ստանում վերցնել հաջորդ խաղաքարտը:

Եթե կասկածամիտ եք և չեք վստահում ձեր մրցակից թիմին, ապա ձեզնից որևէ մեկը կարող է պարզապես կանգնել խաղացող մասնակցի կողքին և հետևել նրան:

Իսկ քանի որ կանոնները գրվում են խախտելու համար, ստեղծե՛ք կանոնների ձեր տարբերակը կամ պարզապես դիմե՛ք մեզ, և մենք կառաջարկենք այլ տարբերակներ:

Մաղթում ենք ձեզ ուրախ և հետաքրիր ժամանց